Surveyor lak belh dawn

Surveyor lak belh dawn
Land Revenue & Settlement department chuan surveyor 40 chuang a neih belh thei dawn tih a changtu minister B Lalchhanzova chuan a sawi.
Land Revenue & Settlement minister hian Nilaini khan Khawzawl DC office-a Revenue Branch chu mipui dawr theih turin a hawng a. Revenue department chu a tul anga thuam chak zel a ni tih sawiin, surveyor 14 lakna an tifel khat a, a dang 30 lakna turin sawrkar atanga phalna hmuh fel a ni tawh a, thawktu dang LDC leh revenue field worker (RFW) pawh engemawzat lak tumin an inbuatsaih mek tih a sawi.
Khawzawl district land record zawng zawng hi Champhai district record atanga thliarin Khawzawlah suan fel a ni tawh a. Tunah hian Khawzawlah guard file bu 33, wet rice cultivation LSC bu 4, house pass bu 2 leh periodic patta bu 13 leh connected papers thahnem tak chu Champhai SO office atanga lak niin, tunah Khazawl DC Revenue Branch-ah hian residential LSC 4999, agriculture LSC 581 leh land lease 75 an kawl mek.
DC Khazawl Revenue Branch-ah hian thawktu – settlement officer pakhat, surveyor-I pakhat, surveyor pakhat, revenue assistant pakhat leh peon pakhat an awm a. DC office atangin UDC leh LDC pakhatin an pui rih dawn a ni.