Sushma Swaraj Award hlan
BJP Mizoram chuan Mizo hmeichhia, mahni kea dinga eizawnna kawnga thawhhlawk leh mipui rawngbawl lama thawhhlawk mi 10 an thlanchhuah hnenah ‘Sushma Swaraj Award’ an hlan.
Ningani khan an state office-ah award hi BJP State Mahila Morcha huaihawtin hlan a ni a. State president Vanlalhmuaka leh vice president R Vanramchhuanga ten an hlan.
BJP Mizoram presiodent chuan tuna award an sem chhan ang hian BJP chuan kuthnathawktute, mahni kea ding tura hma la mekte, mahni kea ding duhten bank loan kaltlanga bul an tan theihna tur thlengin kawng an siamsak tih a sawi a. Mizoram mipui taima tak tak leh hlawhtlinna kawng zawh mekten BJP-ah kawng a awm a ni tih an hriat a, BJP sawrkarnaah miretheite tan kawl a eng zel avangin chu hamthatna chu Mizoram mipuiin kan chan ve theih nan theihtawp chhuahin hma an la tiin a sawi a ni.
Sushma Swaraj Award hi kumin atanga hman tan niin, kum tin March thla chhunga sem tura tih a ni a. Union External Affairs minister hlui Sushma Swaraj (L) chu India ramah a hming a daih tawh lohna’n leh a hnathawhte hriatrengna’n a hming chawia siam a ni. India rama hmeichhia eizawnna kawng hrang hranga hlawhtling leh hnathawhna kawnga chhuanawmte ngun taka zirchiangin thlan an ni.
Sushma Swaraj Award hlan
Get real time updates directly on you device, subscribe now.