Sweden boss-in Ibrahimovic la iai lo
Forward ni chungin a kum 41-na a hmang mek a, kum khat a awl hnuah Sweden coach Janne Andersson chuan tunthla tawp lam European Championship qualifiers-a Belgium leh Azerbaijan hmachhawn tur Sweden squad tharah AC Milan striker Zlatan Ibrahimovic a kokir.
Rama tana Ibra inlan hnununber tum chu kum 2022 World Cup qualification playoff-a Poland an hneh loh tum kha niin, khami hnu khan khup hliam avangin hun rei tak a talbuai a, a hliam thawhsana khelmual a luh leh theih rualin ram tana koh a ni leh chat a, goalkeeper pawh ni lo, tlarhma lama tlan chi zinga kum heti zat ni tawh ram tana koh hlawh hi an tam vak kher lo mai thei.
Ibrahimovic hian Euro 2016 zawh rual khan international football a chawlhsan zet a, club lama goal thun a thulh duh si loh avangin kum 2021-ah a kirleh a, a hoin World Cup qualifiers lamah erawh an hlawhtling zo ta chuang lo.
Reporter lamin Manchester United leh Paris St-Germain striker hlui Ibrahimovic a chhawr dan tur an zawhna chhangin a kotu Andersson chuan bul tantu ni zat zat tur erawh chuan a beisei ngam tawh bik lo tih sawi chungin Milan lamah pawh bench atanga lut thin a nih thu a sawi.
Match 121 khela goal 62 nena Sweden all-time top scorer ni mek Zlatan Ibrahimovic hian a khup hliam thawhsan tawh bawk mah se upat lamah ngai awh a har deuhte pawh a ni ang a, tun season-ah AC Milan tan game thum chiah la khelin, chu pawh bench atanga lut a ni a; season kal laiah hian a hun tam zawk hliam avangin a chawl a, a la khawr viau rih a ni.
Sweden boss-in Ibrahimovic la iai lo
Get real time updates directly on you device, subscribe now.
Next Post