“Sweden leh Finland tena NATO zawm an duh chuan terrorists 130 vel an rama an kawl mek te chu Turkey-ah an thawn haw tur a ni,” tiin Turkey President Tayyip Erdogan chuan a sawi.
-- Advertisement --
Nordic ram pahnih te hian nikum khan Russia-in Ukraine a run hnuah NATO member nih dilna an theh lut a. NATO member ram 30 te chuan remtihna an pek vek a ngai a, Turkey leh Hungary te chuan remtihna an la pe ve duh lo a ni.
Turkey chuan Sweden ngat phei chuan Turkey-in terrorist tia a puan Kurdish militant te chungchangah an dinna an tichiang hmasa tur a ni, a ti bawk a.
“Kan sawi chiang a, heng terrorists te min pek hma chuan NATO application hian parliament a paltlang zo dawn chuang lo,” tiin Erdogan chuan a sawi bawk.
“Parliament-a kaltlang hmain heng terrorists 100 chuang 130 vel te hi min hlan hmasak a ngai ang,” tiin Erdogan chuan a sawi bawk.
Finish politician-te chuan Erdogan thusawi duh dan chu thinrima thiltih tiin an sawi a. Kar kalta lawk khan Stockholm-ah Erdogan lim siam chawp an hal a lungawilohna lantirna nia an ngaih thu an sawi.
Finland Foreign Minister Pekka Haavisto chuan public broadcaster YLE te hnenah official-in Turkey in chutiang demand a neih ka hre lo a ti thung.
Stockholm thil thleng avang hian Turkey chuan Swedish parliament speaker-in Ankara tlawh a tum chu an cancel sak bawk a. Hei vang hian Andreas Norlen chuan Ankar kal lovin Helsinki a tlawh zawk phah a. “Finland leh Sweden-ah chuan freedom of expression kan nei a, thunun kan tum ve lo” tiin Finnish Parliament speaker Matti Banhanen chuan a sawi bawk.