Taylor Swift chuan MetLife Stadium, New Jersey-a May ni 26 zana Eras Tour concert a neihnaah a hla ‘Karma’ remix music video a tlangzarh a, hetihrual hian rapper Ice Spice pawh stage-ah a zaipui nghal a, Midnights (Til Dawn Edition) album-a hla ‘Karma’ hi a vawi khat nan live-in an perform dun nghal a ni.
Concert zawh hnuah Swift chuan Twitter-ah, “Puan lawk pawh awm lova Ice a rawn inlan nawlh khan stadium chu au thawmin a khawk rum rum a ni,” a ti.
Ice Spice tan khatiang khawpa mipui tam hmaa a vawi khat perform-na a ni a, mahse, a talbuai eih lo. Swift nen inkaiin stage an hrut kual a, a tawpah chunglam atangin lehkhamawi a rawn sur chum chum a, mipui au thawmin stadium a luah khat hneh leh hle a ni.
Ice Spice pawhin Twitter-ah, “Taylor leh Swifties ten hmangaihna duhawm tak ka chungah an lan tir a, ka lawm e” a ti ve bawk.
Swift hian MetLife Stadium show-ah hian ‘Karma’ remix video a tlangzarh nghal a, he music video hi ama direct a ni nghe nghe.
Swift leh Ice Spice-in lawm an hlawh
Get real time updates directly on you device, subscribe now.
Prev Post
Next Post