Swift re-recorded album thar tur ‘Speak Now’
Pop superstar Taylor Swift chuan Nashville-a Eras Tour a neihnaah a album hlui a record thar, ‘Speak Now (Taylor’s Version)’ a tlangzarh dawn tih a puang leh ta. He album hi 2010-a a tlangzarh tawh kha niin, a re-recorded album hi July ni 7-ah a tlangzarh dawn a ni.
Speak Now album-ah hian Billboard Hot 100 top 10-a lang thei hla pahnih ‘Mine’ (No.3) leh ‘Back to December’ (No.6) awmin, “Mean” (No. 11), “Ours” (No. 13), “Sparks Fly” (No. 17) leh “The Story of Us” (No. 41) te pawh chart-ah an lang a, a album pawh hi Billboard 200 (albums) chart No.1-ah a debut bawk. He album hi Taylor Swift album zingah an tlangzarh atanga kar khat chhunga US-a copy maktaduai hralh kai thei hmasa ber a ni a, kar khat chhungin US-ah maktaduai 1.047 an hralh thei a, tun thlengin US-ah ringawt copy maktaduai 7.8 a hralh tling tawh bawk.
Taylor Swift record label belh thinin an company chu Scooter Braun hnenah an hralh a, Scooter Braun leh Taylor Swift te inkarah boruak neuh neuh a lo awm tawh sa bawk nen, a master-te Braun-a’n neitu nihna a chang ta mai chu an buai deuh laih kha a ni a, hemi boruak kal zelah Swift hian a album hlui te chu record thar lehin 2021 khan ‘Fearless (Taylor’s Version) leh ‘Red (Taylor’s Version)’ te a lo tlangzarh tawh a, ‘Speak Now (Taylor’s Version)’ hian a chhunzawm leh dawn ta a ni.
Swift re-recorded album thar tur ‘Speak Now’
Get real time updates directly on you device, subscribe now.
Next Post