Swiftie BLACKPINK Rose

K-pop girl group BLACKPINK member Rosehi K-pop star zinga lar ber pawl a ni ngei ang, mahse, February ni 7-a Eras Tour concert Tokyo-ah chuan ani pawh mipui zinga Swiftie dang ang tho a ni e. Taylor-i’n ‘All Too Well’ a sak lai chuan a lo zaipui nasa khawp mai. He hla hi minute 10 zeta thui a ni lehnghal.
Rose chuan TikTok-ah a thiante nen Tokyo Dome-a Swift concert an chhimna video clip a post a, video-a chuan Rose hian ‘All Too Well’ hi a sakpui ve nasa hle a, a lyrics tin mai a hrebel khawp mai. A clip caption-ah, “Tokyo a minute 10 hlimawm ber,” a ti hial a ni.
Swift pawh hian 2022 VMA-a BLACKPINK an perform tum khan an hla ‘Pink Venom’ kha a lo lampui ve nasa tawh a nih kha.