Lok Sabha inthlanpuia an party candidate symbol atana an lo thlan tawh hnu ah, an dil hmasak zawk phalsak an nih leh lawi si chu, an lo hman tawh hi hman tlang phalsak turin People’s Conference party chuan Election Commission an ngen.
PC thuchhuak chuan, kumin March 5 khan ECI-ah hian MP inthlanpui atana an party symbol-ah ‘electric bulb’ hman an dil a, chhanna an hmuh lawk loh avangin phalsak an ni nge dawn lo tih an hre loa, free symbol zing ami ‘hamrik’ chu an thlang ta tih a sawi.
Hamrik hmang tur ang hian campaign khuhhawnnaah an lo tlangzarh tel tawh a. March 26-a an party candidate-in nomination a file-naah pawh an symbol-ah hamrik an thlang tih an tilang a, March 28-a nomination paper endiknaah symbol atan hamrik hi tihngheh a ni tih a sawi a ni.
March 28 hian ECI-a an dil angin symbol atan electric bulb hman phalsakna lehkha chu Mizoram election hotute atangin an dawng a. March 30-a postal ballot print dan tur kaihhnawiha returning officer-in candidate-te a kohkhawm tumin, an candidate hi Seventh Day a nih avangin a tel ve loa, a aiawhin a election agent a tel a. Hetah hian RO chuan candidate symbol-ah hian hamrik ni loin electric bulb-a thlak a nih thu a sawi leh ta tih a sawi.
‘Campaign kan neih vek tawh hnuah ECI-in electric bulb hmang ngei rawh se, tia thu chhuah a awm lo chungin, ECI lehkha anga kalpui tlang a ni hi PC party chuan kan pawm thei lo a. ECI hian an thil tih hi ennawn leh se, hamrik hi 2024 MP inthlana kan symbol atan min hman tir leh ngei se kan duh thu April 1 khan ECI-ah kan thlen a ni,’ an thuchhuah chuan a ti.
Symbol atana thlan tawh hman tlang phal turin ngen
Get real time updates directly on you device, subscribe now.
Next Post