Synod Khualbuk hawng

Falkawna Synod Khualbuk chu Synod moderator Rev. R. Vanlalnghaka’n Pathian hnenah hlanin a hawng.
Falkawna sawrkar damdawi in (Zoram Medical College) pantu an thathnem zel avangin Synod OM chuan Falkawna Synod ramah khualbuk leh chaplain quarters saktha tiin, Synod Trust Committee bawhzui turin a dah a. Synod Trust Committee hian a policy chu Synod Executive Committee-ah a thlen a ni. Tawi Presbytery atanga “Falkawna khualbuk sak rawtna” nen sawikawpin a policy chu Synod-ah thlen leh a ni a, Synod 2019 chuan tha tiin Synod Trust Committee-in plan leh estimate a siam ta a ni.
Khualbuk leh chaplain quarters hi ground floor-ah a awm a. Zopa chhiara chhawng 5-a sak niin, sak zawm leh theih tura ruahman a ni. Building sak hna hi Upa CT Mawia, Kolasib Diakkawn (CZS Construction Company) in a thawk a ni.