Synod speaker ho intuaithar

Synod revival speaker-te tana buatsaih intuaitharna hun chu March 19- 22 chhung khan Synod Conference Centre Aizawlah riakluta neih a ni a, revival speaker nilai an kalkim.
Intuaitharna programme hi March 19 zan khan hawn a ni a. Synod moderator Rev R Vanlalnghaka’n keynote address a sawi.
Intuaitharna hun hman chhung hian revival speaker-ten an rawngbawl zelna atana pawimawh thupui hrang hrang – revival rawngbawlna thlirlet leh hmathlir, harhna leh Mizo Kristiante, thalaite nun leh revival rawngbawlna, kohhranmiten revival speaker-te an beisei dan tihte zir ho a ni a, heng thupui hi mithiam sawmbikten an zirtir a, sawi ho zui thin a ni.
Ningani zan khan kharna inkhawm neih a ni a, Synod senior executive secretary Rev. C. Zorammawia’n thu a sawi.
Tun dinhmunah Synod revival speaker 70 (mipa 68 leh hmeichhia 2) an awm a, harsatna dang a awm a nih loh chuan Synod revival speaker-te puala riakluta intuaitharna hi kumtin neih thin a ni.