SZA ‘SOS’ Billboard 200-ah kar 5 a No.1 ta

SZA album ‘SOS’ chu Billboard 200 (albums) chart-ah No.1 lehin, a zawn ni kher lovin he chart-a kar nga a No.1-na a ni ta. Hetihrual hian YoungBoy Never Broke Again pawhin top 10 kai thei album 13 a nei tling ta bawk.

-- Advertisement --

Billboard 200 chart hi kar khat chunga US-a album hralh tam dan atanga chhutin chart ranking siam thin a ni a, album hralh zat chhut nen hian album tak tak hralhna bakah streaming atanga album hralhna tlukpui leh album-a hla mal hralhna atanga album copy tlukpui te belhkhawm thin a ni.
SZA ‘SOS’ hi copy 1,25,000 hralh lehin, chu chu chart-ah a No.1 pui leh ta a, October 1995 -a Mariah Carey album ‘Daydream’ hnuah hmeichhe solo R&B artist zingah he chart-a kar nga chin No.1 album nei leh thei hmasa ber a ni.

Chart No.1 hlui Taylor Swift ‘Midnights’ chu copy 81,000 hralh lehin No.2-ah bawk a la awm a, chart No.1 hlui Metro Boomin ‘Heroes & Villians’ chu copy 57,000 hralh lehin No.3 a ni a, chart No.1 hlui Drake leh 21 Savage album intawm ‘Her Loss’ chu copy 51,000 hralh lehin No.4 a ni a, chart No.1 hlui bawk Bad Bunny ‘Un Verano Sin Ti’ pawh copy 45,000 hralh lehin No.5 a la ni a, chart No.1 hlui tho Morgan Wallen ‘Dangerous: The Double Album’ chu copy 43,000 hralh lehin No.6 a la ni bawk.
Zach Bryan album ‘American Heartbreak’ chu copy 33,000 hralh lehin No.8 atangin No.7-ah a insawn hret a, chart No.1 hlui Lil Baby ‘It’s Only Me’ chu copy 31,000 hralh lehin No.9 atangin No.8-ah a insawn ve ta bawk.

YoungBoy Never Broke Again album ‘I Rest My Case’ chu copy 29,000 hralhin chart No.9-ah a debut a, he chart-a top 10 kai thei album 13 a neih tlinna a ni tawh. He album hi Atlantic chhuahsan a Motown a belh hnua a album tihchhuah hmasak ber a ni. YoungBoy Never Broke Again hian album a tichhuak nual tawh a, ‘I Rest My Case’ pawh hi August 2017-a a album he chart-a a lan vawi khatna atangin chart-a lang pha album 28 a neihna niin, chart top 10-a lang thei album 13 a neihna a ni bawk.

Chart top 10 khartu chu chart No.1 hlui Harry Styles ‘Harry’s House’ niin, copy 26,000 hralh lehin No.10-ah bawk a la awm.





Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More