SZA ‘SOS’ kar 10 a No.1 tling ta

SZA album ‘SOS’ chu Billboard 200 chart-ah a No.1 a, he chart-a a zawn ni kher lo va kar 10 a No.1-na a ni ta a, 2010 hnuah he chart-a kar 10 chin No.1 thei zathian pariatna a ni. Hetihrual hian P!nk album thar ‘Trustfall’ pawh No.2-ah a debut.
Billboard 200 (albums) chart hi kar khat chhunga US-a album hralh tam dan atangin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla mal hralhna atanga album copy tlukpui te belhkhawm thin a ni.
SZA ‘SOS’ chu copy 87,000 an hralh leh a, chung zinga copy 86,000 chu streaming atanga album hralhna tlukpui (on-demand official streams maktaduai 118.39) niin, album tak tak hralh zat chu copy 500 niin, album-a hla mal hralhna atangin copy 500 tlukpui a ni bawk.
P!nk album thar ‘Trustfall’ chu copy 74,500 hralhin No.2-ah a debut a, he chart top 10-a lang thei album pakua a neihna a ni ta. He album hi 2019-a ‘2B Human’ a tlangzarh hnua a album tihchhuah leh hmasak ber a ni. Copy 59,000 chu album tak tak hralhna niin, copy 12,500 chu streaming atanga album hralhna tlukpui (on-demand streams maktaduai 16.61) niin, album-a hla malk hralhna atangin copy 3,000 tlukpui a ni thei bawk.
Cart No.1 hlui album pangain an dawt a, Taylor Swift ‘Midnights’ chu copy 54,000 hralh lehin No.3-ah bawk a la awm a, Metro Boomin ‘Heroes & Villians’ chu copy 47,000 hralh lehin No.6 atangin No.4 a kai thar leh a, Morgan Wallen ‘Dangerous: The Double Album’ chu copy 44,000 hralh lehin No.4 atangin No.5-ah a tawlh a, Bad Bunny ‘Un Verano Sin Ti’ chu copy 41,000 hralh lehin No.5 atangin No.6-ah a tawlh a, Drake leh 21 Savaga ‘Her Loss’ chu copy 38,000 hralh lehin No.7-ah bawk a la awm.
Zach Bryan ‘American Hreatbreak’ chu copy 28,000 hralh lehin No.11 atangin No.8 a kai a, chart No.1 hlui Rihanna ‘Anti’ chu copy 27,000 hralh lehin No.8 atangin No.9-ah a tawlh a, No.1 hlui Harry Styles ‘Harry’s House’ chu copy 27,000 ralh lehin No.9 atangin No.10-ah a tawlh ta bawk.