Tamil Nadu Governor RN Ravi chuan state hming “Tamizhagam” a thlak ni se tia a sawi nia sawi chu thudik lo a ni tiin a sawi.
-- Advertisement --
Ravi thusawi avang hian ‘Tamil Nadu versus Tamizhagam’ debate nasa tak a thlen phah a. Ravi chuan hetiang a sawia ngaite chuan a thusawi bul\hut an hre lo a ni a ti bawk a.
“Tamizhagam” tih thumal chu ‘Tami leh Kashi mite tun hma a\anga tawha cultural connection an neih’ sawinaa a hman a ni a ti a. Hmanlai khan Tamil Nadu a awm lo tia sawiin, “Hei vang hian historical cultural context zawngin Tamizhagam tih chu sawi dan awm ang zawk a ni ka ti a ni,” tiin Ravi chuan a sawi.
“Ka thusawi bul\hut hre hauh si lovin Governor hian Tamil Nadu tih a duh lo tih chu sawiho ber a ni zui a. Hei vang hian sawifiahna ka siam a ni,” tiin Ravi chuan a sawi.
Tamil Nadu tih hi ‘Tamils te ram’ tihna niin Tamizhagam chu ‘Tamil mipui te ram’ tihna a ni a. Nadu tih hi ram tihna a ni.
January 4 khan Governor Ravi chuan, “Ram pum huap thil a nih tawhin Tamil Nadu chuan a duh lo zel a, chu chu ngaiah neih a ni tawh. Thudik lailang a ni tur a ni a Tamizhagam hi sawi dan awmang zawk a ni a. Ram chhung hmun dang te hi foreigners te kuta a awm \hin avangin an tuar nasa em em a ni,” tiin a sawi.
Ravi thusawi hian inhnialna nasa tak siamin rorel lai DMK te chuan Ravi chu BJP-RSS agenda kalpuiah an puh a. Assembly chhungah pawh MLA te chuan “Quit Tamil Nadu” tiin an au a, Twitter lamah pawh #GetOutRavi tih chu a lar hle a ni.
La sawi chian loh thil la awm chu eng vangin nge Raj Bhavan in Pongal lawmna neih tura sawmna a thawn chhuahah “Thamizhaga aazhunar” or “Governor of Tamizhagam” tia a indah tih chu a ni bawk.