Tang tlanchhuak man belh
April 19 zinga Lunglei District Jail atanga tlanchhuak zinga pakhat chu April 24 zan khan man a ni leh a, heti hian mi 5 tlanchhuak atangin 3 man an ni leh tawh.
Police-te sawi danin, Thawhtanni zan dar 12.00 vel khan Hnahthial district huamchhung Khawhri rama thlam pakhatah tang tlanchhuak nia rinhlelh hi a awm tih hria in Hnahthial Police leh Khawhri khawtlang chuan hualin an man a, amah hi tunhnaia jail atanga tlanchhuak – Lalchawimawia (24), Tahan F-Group, Myanmar ami niin, nikum July-a Lungleia tualthah case-a man, court-a a chungthu rel mek lai a ni.
Hemi hma, April 20 zan khan tang tlanchhuak zinga pahnih Lalbawihliana (27) leh Dokapthanga (26), Zokhawthar Champhai district ve ve chu Lunglei district chhung Mausen daia hotel pakhatah an awm chu man an lo ni tawh a. An ni hi heroin leh methamphetamine kawl vanga man leh tang, an chungthu relsak hmabak tho an ni.
He chanchin buatsaih lai thleng hian tang tlanchhuak dang pahnih – Vanneihthanga (38), Leisen Myanmar leh Haudeihchin (25) Tlangnuam Champhai te chu man an la ni loa, an ni hi heroin kawl vanga man ve ve, an chungthu la rel hmabak ve tho an ni.
Tunhnaia Lawngtlai kawnga Bolero driver rawk tih leh Thingfal UPC biak ina lo awm, tih te nen khan inzawmna engmah an nei lo niin Police-te chuan an sawi.
Tang tlanchhuak man belh
Get real time updates directly on you device, subscribe now.
Next Post