Tate McRae ‘Greedy’ a lar ber
Canadian zaithiam leh hlaphuahthiam Tate McRae hla thar ‘Greedy’ chu Billboard Global 200 chart-ah a No.1 a, he chart No.1-a a lan vawi khatna a ni. Hetihrual hian Dua Lipa ‘Houdini’, Jack Harlow ‘Lovin on Me’ leh Stray Kids ‘LALALALA’ te chu chart top 10-ah an lang bawk.
Billboard Global 200 chart hi kar khart chhunga khawvel huapa hla lar dan tehna niin, chart ranking siam nan hian ram hrang hrang 200 chuang a official-only streams (subscription leh ad-supported audio leh video music services) leh download sales te chu tehna pawimawh a ni.
Tate McRae ‘Greedy’ hian kar khat chhungin stream maktaduai 55.3 leh download sales 3,000 a tling thei a, hei hi chart-ah No.3 atangin No.1 a kaipui ta a ni.
Tate McRae hi Calgary, Alberta, Canada chhuak a ni a, tunah chuan Los Angeles-ah a inkhuar tawh a, 2021 khan a hla ‘You Broke Me First’ tih chu Billboard Global 200 chart-ah hian No.16 a kai a, chu chu he chart-a a lan vawi khatna a ni. Tihian he chart-a Canadian zaithiam No.1 kai thei pangana niin, Canadian hmeichhiaah chuan a hmasa ber a ni a, a Canadian pui Drake, Justin Bieber, Daniel Caesar leh The Weeknd te hnung a zui ve ta a ni.
Kar kalta chart No.1 Jung Kook ‘Standing Next to You’ chu No.2-ah a tawlh a, hetihrual hian Dua Lipa hla thar ‘Houdini’ chu stream maktaduai 51 leh sales 13,000 tling No.3-ah a debut a, a hla he chart top 10 a lang thei palina a ni.
Jack Harlow ‘Lovin on Me’ pawh stream maktaduai 39.9 leh sales 16,000 tlingin No.4-ah a debut a, he chart top 10-a lang thei hla pali a neihna a ni ve leh chiah bawk.
Chatrty top 5 khartu chu No.1 pawh lo ni tawh Taylor Swift ‘Cruel Summer’ a ni a, No.6 atangin No.5 a kai thar leh ta a ni.
Stray Kids hla thar ‘LALALALA’ chu stream maktaduai 44.7 leh sales 9,000 tlingin No.10-ah a debut a, he hla hi an No.1 album ‘ROCK-STAR’ atanga an single niin, tun hi he chart top 10-a an lan vawi khatna a ni.
Vault] – Taylor Swift
9 Si No Estas – Inigo Quintero
10 LALALALA – Stray Kids
Billboard Global 200 Top 10:
1 Greedy – Tate McRae
2 Standing Next To You – Jung Kook
3 Houdini – Dua Lipa
4 Lovin On Me – Jack Harlow
5 Cruel Summer – Taylor Swift
6 Seven – Jung Kook Featuring Latto
7 Paint The Town Red – Doja Cat
8 Is It Over Now? (Taylor’s Version) [From The