Tawi bial khaw nasa takin hmasawnna hna thawh a ni – Prof Lalnilawma

Tawi bial khaw nasa takin
hmasawnna hna thawh a ni
– Prof Lalnilawma
ZPM sawrkar kum hnih pawh la tling loah Tawi bial chhung khaw tinah nasa takin hmasawnna hna thawh a ni tih he bialtu MLA, minister Prof Lalnilawma chuan a sawi.
Thawhlehnia Seling leh Thingsul Tlangnuam-a hun a hmanaah Tawi bialtu MLA chuan, Mizorama sawrkar kal tawhte, an sawrkar hun chhung rei anga an hnathawh enin, ZPM kaihhruai sawrkar, kum hnih pawh la tling loin hna a thawk nasain a thawk tha hle tih a sawi a. Tawi bialtu MLA a nih angin bial chhung tan theihtawp a chhuah a. MLA kum hnih pawh a la nih tlin hma in a bial chhung khawtinah hmasawnna hna nasa taka thawh a ni tih a sawi a ni.
“Pu Lalduhoma kaihhruaina hnuaiah minister leh sawrkar hnathawkten mipui tan theihtawp an chhuah a. Duhthusamin thil kal duak duak thei lo mah se, hmasawnna hnathawh hrim hrim a tha thawkhat a, a bikin thingtlang lama kuthnathawkten rate hresa in sawhthing an ching thei ringawt pawh hi hmasawnna nasa tak a ni,” a ti.
Thalaite ruihhlo laka an fihlim theihnan an hunawl a tha zawngin hman thiam a tul tih minister hian a sawi a. Kohhran leh khawtlang activities kan ngaihpawimawh lehzual a ngai tih a sawi a ni.