Sawrkar laipui Ministry of Culture hnuaia peng pakhat, Sahitya Akademi (National Academy of Letters) chuan Bhasha Samman dawng turin Mizo pahnih a thlang.
Sahitya Akademi hian June 14 khan thuchhuah siamin, Bhasha Samman dawng tur hian Mizo pahnih – Renthlei Lalrawna leh Rozama Chawngthu te thlan an ni tih sawiin, he lawmman hian sumfai cheng nuai khat kengtelin remchang hmasa berah India President Droupadi Murmu-i’n a hlan dawn a ni.
Thuchhuah chuan, Renthlei Lalrawna hi Mizo thuziak lama thawhhlawk tak a ni, tiin, tawnglettu a nih bakah zirna hmasawnna atana theihtawp chhuah thin a ni a. Tun dinhmunah Gilzom Publication-ah editor a ni a, Mizo tawng hmasawn zelna atan theihtawp a chhuah tih a sawi ni.
Rozama Chawngthu chu thuziak lamah Mizote tan thawhhlawh tak niin, Mizo tawngin lehkhabu tam tak a let tawh a. Thawnthu pawh ziakin heng hi All India Radio leh DDK ah chan thin a ni a, hun hmasa lamah India President Dr APJ Abdul Kalam chuan zirtirtu tha chawimawina a lo pe tawh tih te a sawi a ni.
Sahitya Akademi hian kumtinin 8th Schedule-a chuang tawng hmang zingah mi pakhat tal Bhasha Samman (Award for Language Promotion) hi 1996 atang khan a pe thin a, 8th Scheduled language-a la tel lo – Mizo, Paite, Chakma, Khasi, Boro, Ao Naga, Adi, Bhojpuri ten kum kar khat deuhin an dawng ve thin. Mizo zinga dawng hmasa ber chu James Dokhuma niin Bhasha Samman 1997 hming puin 1998 khan a dawng. B Lalthangliana’n kum 2014 khan a dawng tawh bawk.
Tawng hmasawnna atana hma latu Mizo pahnihin award dawng dawn
Get real time updates directly on you device, subscribe now.
Prev Post
Next Post