Taylor leh Travis an ri ta rût rût

Hman deuhah khan Taylor Swift leh NFL star Travis Kelce te inkarah ri deuh rêt rêt a awm thu kan rawn tarlang tawh a, tunah chuan an pahnih inkar hi a ri deuh rût rût tawh. Swift hian Pathianni kalta khan Travis Kelce te tem Kansas City Chiefs leh Chicago Bears inkhel chu a hmunah enin, Kelce hi a lo tan hle a ni.
Swift leh Kelce te hi kum 33 mi ve ve niin, Kelce hian Swift Eras Tour a en tumin Swift hi a phone number inziahna banbun pek a tum a, mahse, Swift nen a intawng thei ta lo pawi a tih thu a sawi chhuak a, chumi hnuah an inkar a fuh chho tan ta a ni.
Arrowhead Stadium-a inkhel a en tum hian Swift hi Kelce nu bulah thuin, an pahnih hian an titi tui viau ni te pawhin a lang a, Swift hian Kansas City Chiefs jersey rawng, thawmhnaw sen leh var a inbel a, Kelce team tanin, a au nasa hle a ni. Inkhel tawp hnuah Kelce convertible car-in an inphur chhuak zui ta nghe nghe a ni.