Taylor Swift ‘1989 (Taylor’s Version)’ US-ah 2M hralh tawh

Taylor Swift-i’n a album hlui a record thar leh ‘1989 (Taylor’s Version)’ chu US-ah maktaduai hnih an hralh tling tawh a, Swift album US-a hetiang zat chin hralh theih pakuana a ni a, 2023-a album tlangzarhah chuan US-a maktaduai 2 hralh tlin theih awm chhun a la ni bawk.
‘1989 (Taylor’s Version)’ hi 2023-a a tlangzarh kha niin, nikumah la la khan US-ah maktaduai khat chu an hralh tling nghal a, kumin January kar hnihna a liam leh chuan US-ah maktaduai hnih an hralh tling ta a. A album dang US-a maktaduai 2 chin hralh tlin theih te chu-Fearless (maktaduai 7.285), 1989 (maktaduai 6.472), a self-titled album (maktaduai 5.871), Speak Now (maktaduai 4.817), Red (maktaduai 4.582 ), Midnights (maktaduai 2.814), Reputation (maktaduai 2.478), leh Folklore (maktaduai 2.289) te an ni.
Taylor Swift hi tunhnaiah chuan zaithiam hralh kal ber a tih loh theih loh a, tun kum nga chhung chu kumtin US-a kum khat chhunga album hralh hnem ber a la ni char char a ni.