Taylor Swift ‘Eras Tour’ London-in $300M chuangin hlawkpui

Taylor Swift-i’n June ni 21 a\anga \ana, zan tum chhung Wembley Stadium, London-a Eras Tour a neih meka a concert chu London economy pawhin dollar maktaduai 381 chuangin a hlawkpui niin an chhut a, show a la neih lehna tur Europe ram hrang hrang pawhin an hlawkpui zel dawn niin Greater London Authority data tihchhuah chuan a tarlang.
Taylor Swift London show hi zan thum a neih tawh bakah August tlaah zan nga dang show a nei leh dawn a, he zan sarih chhung hian mi 7,00,000 chuangin an chhim hman dawn a ni. Mayor of London, Sadiq Khan chuan Swift hian khawvel ram dang zawng zawng aia London-a show a nei hnem bik tur chu lawmawm a tih thu a sawi chhuak hial a ni.
May thla kalta khan British banking firm Barclays pawhin Taylor Swift tour hi UK economy chuan dollar tluklehdingawn 1.2 velin a hlawkpui dawn niin an lo chhut ve tawh bawk. Barclays hian concert ticket leitu mipakhatin ticket man tel loin, hotel thlenna leh ei leh in bakah thil dang dangah London-ah hian dollar 1,000 vel \heuh hmang tur angin an chhut a ni. Barclays Consumer Spend research chuan Swift tour hi UK economy chuan pound maktaduai 997 (dollar tluklehdingawn 1.26) vela hlawkpui turin an chhut a ni.
Taylor Swift Eras Tour ian Europe khawpui 18 vel a tlawh dawn a, show a neih tawhna reng rengah a ramin a hlawkpui ve zel a, Italy-ah pawh July thla laihawla show nei tur chauh a la ni nain, hotel an book khat leh deuh vek tawh a , Tourism company Tourist Italy founder Ben Julius chuan, “Kan zir zauna leh data a\anga a lan dan chuan Milan-a hotel thlen man te chu July thla a Swift show hma kar khat leh show neih hnu kar khat chhung bikah 45%-in chawhrualin a sang ang a ni,” a ti.
Taylor Swift show neih tawhna reng rengah tourist an pung hluai zel a, fans sing tam tak pungkhawm avangin restaurant, lodging leh an khuaa hmun hmingthang tlawh theih te chu a lun nghal em em zel a, thlawhtheihna ticket leh taxi leh veivahna dang thlengin demand a sang nghal \hin a ni.