Taylor Swift chuan Liverpool-ah The Eras Tour a neih meka sow vawi 100 a neihna-a mipui pungkhawm te hmaa The Eras Tour a neih mek cu December-ah a tawp dawn tih a puang ta.
Liverpool, England-ah hian zan thum chhung show a nei dawn a, Swift chuan, “Tun tum hi kan tour-a show vawi 100-na chiah a ni tih kan hrilh ve mai mai ang che u. Min khawih ve det. A tak tak a ni lo emaw tih mai te pawh a awl, a chhan chu he tour hi chauh thlak ve viau mah se kan hun hman tlan te hi a hlimawmin, a rah a duhawm a, ka nuna thil thleng zinga duhawm ber te zinga mi a ni.
“Tam tak chuan ‘Engtin nge show vawi 100-na chu i lawm dawn? inti rilru mai thei. Ka tan chuan show vawi 100-na hian thil min ngaihtuah chhuah tir a, kei pawhin ka pawm ve tak chu he tour hi December-ah a tawp dawn tih hi a ni,” a ti.
The Eras Tour hi March ni 17, 2023 khan Glendale, Arizona-a State Farm Stadium-ah bul a tan a, kumin December-a a tour kharna hi show vawi 152-na tur a ni dawn a, December ni 8-ah Vancouver, Canada-a BC Arena-ah an khar dawn a ni.
Swift chuan, “Tun atang chuan a la hlat hmel khawp mai, mahse, kan sawi leh ang e, he tour-a kan show bul tan ang mai kan niin ka la hria, a chhan chu show 100 puitlin thei turin boruak tha insiam a ni, show 150 vel he tour chhung hian kan nei dawn a. He tour hi ka nun peng khat ang mai a ni tawh a. Hobby te pawh ka nei ve thin khan ka hria a, mahse, tunah chuan eng nge ka hobby pawh ka hre tawh lo, a chhan chu stage-a ka awm loh a ka tih thin cu acoustic song nalh tak han phuah khawm vel a, in ngaihthlak ve hun tur suangtuah phur taka suangtuah vel hi a ni. A awmzia chu maw, stage-a ka awm loh pawhin in hmaa stage-a inlan leh hun tur ka suangtuah zel tawh tihna a nih chu,” a ti bawk.
Taylor Swift-i’n The Eras Tour tawp hun tur a puang
Get real time updates directly on you device, subscribe now.
Prev Post