Taylor Swift leh Travis Kelce an official ta

An inhaw lo tih an lantir tawh a, a bem hmasatu Travis Kelce-a’n Kansas City-a Tyler Swift concert a en tumin, a banbun, a phone number a ziahna chu Swift hnenah pek a tum a, mahse, Swift nen an intawng remchang ta lo pawi a tih thu a sawi chhuah hnuah an thiante hmalaknain an intawng ta a, Swift pawhin Kelce inkhel a en ta fo a, mahse, an inkar hi ‘kan ni e’ tia inpuanna hran a awm chuang lo. A rin erawh an ring fur tawh sa.
Mahse, tunah chuan engkim an tichiang ta. Zep leh thup a awm tawh lo va, NFL player, Kansas City Chiefs star Travis Kelce, kum 34, leh Taylor Swift, kum 33, te chu New York City khawlaiah kuta inkai chungin an chhuak dun ta tlat mai. Manhattan-a Nobu restaurant-ah zanriah te an kil dun a, Saturday Night Live-ah sawi lawk pawh awm lovin an inlan thut bawk.