Taylor Swift leh Travis Kelce te inneih thilpek an duh lo

Taylor Swift leh travis Kelce te chuan an inhual hnuah inneih hun tur te la puang lem lo mah se an tunlai boruak thlirin ‘tihhuk’ hi a hla tawh lo niin sapram media te pawhin an ngai a, hetiang karah hian an inneihnaa tel tura an sawmte lak atangin thilpek engmah an beisei lo a, an beisei lo pawh a ni mai lo, an dawng duh dawn lo!
San Francisco 49ers player leh travis Kelce thiantha George Kittle chuan, “Gift engmah ken loh tur a ni tawp,” a ti a, chutihrualin eng emaw tak chu tihsak hram a tum tho niin a sawi a, “Ka ngaihtuahnaa lo awm chu…travis hi coins hlui te pe ta mai ila. Chuvangin travis nupui neih lawmpui nan pawisa thir hlui ka pe maithei a ni. thil manto tak angin a lang lo bawk ang a,” a ti.
Swift, Kelce leh Kittle te hi tight Ends & Friends concert-ah June ni 23 zan khan an kal ho a, he concert hi kumtin neih thin niin, NFL-a tight end-te inthlunzawmna niin charity atana sum an tuakna a ni a, kumin hian concert hi the Pinnacle, Nashville-ah neih niin, concert-ah hian country star Lainey Wilson pawh a perform a, ani ian Swift chuan stage-ah kochhuakin Swift hla ‘Love Story’ an duet nghe nghe a ni.
Official-a puan awm lo mah se taylor Swift leh travis Kelce te hi American Independence Day, July ni 4-ah an inkutsuih dawn niin thuthang a awm e.