Taylor Swift ‘The Fate of Ophelia’ a lar ber

Taylor Swift ‘The Fate of Ophelia’ a lar ber
Taylor Swift hla hit ‘The Fate of Ophelia’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-ah hian kar sarih a No.1 tling ta. Hetihrual hian Bad Bunny ‘DtMF’ pawhin Grammy-a a chet that zar zoin, top 10-ah a rawn kir leh ta a, Noah Kahan ‘The Great Divide’ pawh chart-ah a lang e.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian khawvel ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
Taylor Swift ‘The Fate of Ophelia’ hian kar khat chhung stream maktaduai 50.7 leh download sales 6,000 a la nei thei a, hei hi a kar sarih nan chart-ah a No.1 pui leh ta a ni.
Olivia Dean “Man I Need’ chuan stream maktaduai 46.8 neiin, No.5 atangin No.2-ah a invawrh a, he chart-a a thlen sân ber a la ni. Olivia hian Grammy Awards-ah khan best new artist a dawng a, hei vang hian a hla pawh a lar thar leh ta a ni.
Chart No.1 hlui Djo “End of Beginning’ chu No.3-ah bawk a la awm a, chart No.1 hlui tho HUNTRIX “Golden” pawh No.4 a la ni a, chart No.1 hlui Alex Warren “Ordinary” chu No.8 atangin No.5 a kai thar ve leh ta bawk.
Bad Bunny ‘DtMF’ chuan stream maktaduai 39.7 leh download sales 5,000 neiin, No.27 atangin No.6-ah a invawrh thar leh a, Noah Kahan “The Great Divide”-in stream maktaduai 30.4 leh download sales 6,000 neiin, No.10-ah a debut a, tun hi he chart top 10-a a debut vawi khatna a ni a, January 2024 khan ‘Stick Season’ chu chart No.5 a lo lanpui tawh bawk.
Billboard Global 200 Top 10:
1 The Fate Of Ophelia – Taylor Swift
2 Man I Need – Olivia Dean
3 End Of Beginning – Djo
4 Golden – HUNTR/X: EJAE, Audrey Nuna & REI AMI
5 Ordinary – Alex Warren
6 DTMF – Bad Bunny
7 Where Is My Husband! – RAYE
8 I Just Might – Bruno Mars
9 So Easy (To Fall In Love) – Olivia Dean
10 The Great Divide – Noah Kahan