Telegram chief Pavel Durov man

Telegram chief executive Pavel Durov chu French police te chuan Paris hmar lamah an man a. Durov hi a private jet hmanga Le Bourget Airport a tum hnu lawkah man a ni tiin media report chuan a tarlang.
Kum 39-a upa billionaire chu a popular messagin app hmanga pawikhawihna thleng kaihhnawiha man nia sawi a ni a. Telegram in moderator a tlachham lutuk leh Durov chu a social media platform Telegram criminal tena an hman dan thuneitute hnena hriattir lova puh a ni bawk.
Durov hi Russia a piang niin Dubai-ah a cheng thung a. United Arab Emirates leh France khua leh tui nihna nei kawp a ni.
Telegram chu Russia, Ukraine leh Soviet Union state hlui ramah te a lar hle a.
Kum 2018 khan Russia ah Telegram chu khap a lo ni tawh a, chu chu Durov an user data thuneitute hnena a pek duh loh vang a ni a, kum 2021 khan khap a nihna chu hlihsak a ni thung.
Telegram chu Facebook, YouTube, WhatsApp, Instagram, TikTok leh WeChat te nena major social media platform tia sawi a ni a.
Kum 2013 khan Durov chuan Telegram dinin a hnu lawkah sorkar demand tihhlawhtlin a duh loh avangin kum 2014 khan Russia a chhuahsan zui a ni.