Nimin, Ningani khan Ame-rican qualifier Katie Volynets chuan 9th seed Veronika Kuder-metova barakhaihin Australian Open hmeichhe second round match pakhatah 6-4, 2-6, 6-2 hnehna a chang a, kum khata Grand Slam tournament hmasaber khelh mekah United States player-te an che\ha tluang hlawm zel rih.
-- Advertisement --
Tun hi Volynets tan Grand Slam bika main draw a thlen vawirukna chauh la niin, kum 1993 daih tawha Lindsay Davenport chetthatna kan hmuh hnu lama US qualifier zinga Melbourne Park-a women’s singles third round lut leh thei hmasaber a ni.
World number 113 luahtu American hi tunah kum 21 mi chauh la niin, a career-a top-10 player a sut vawikhatnaah hnehna a chang nghal a; on-court inter-view-ah stadium khat tlat hnuaia a inkhelh vawikhatna a nih thu leh entu mipuite khan chakna an pe tih a sawi a, a result hlawhchhuah ropui a tih thu a tarlang tel.
Volynets hian 6-3 6-3-a Croatian Petra Martic hnehtu Chinese 23rd seed Zhang Shuai chu fourth round-ah a tum leh ang.
Hmeichhe singles second round inkhel dangah Belarus chhuanvawr Aryna Sabalenka chuan Shelby Rogers of the United States lakah harsatna lian a tawk lo a, ni hnih chhung zet ruah leh khaw lumin Australian Open a tihbuai hnuin 6-3, 6-1 hnehna nen round thumna a lut.
Melbourne Park tournament atana inbuatsaih laia Adelaide title hlawhchhuak Sabalenka hian first round-ah Tereza Martincova hneh tawhin, Rogers nena third round luh an inchuhna inkhelah hian set khatna tir lamah a che\ha nghal buan buan lo a, mahse, a hnu lamah harsatna a tawk zui lo.
World number five Sabalenka hian 6-4 6-3-a Lauren Davis hnawtchhuaktu Belgian Elise Mertens a khel leh ang.
Fourth seed Caroline Garcia pawh Australian Open second round paltlang zingah telin, tournament ni linaah hian women’s seed luah pha player pali an tla thung.
Spaniard Garcia hian darkar khat leh minute 52 chhungin 2021 US Open finalist Leylah Fer-nandez lakah 7-6 (7-5) 7-5 hnehna a chang a, 5-7 7-5 6-3-a Romanian Begu ngamtu Germany player Laura Siegemund nen third round-ah an insu ang.
Ningani khan seed luah pha dang Veronika Kudermetova, Anett Kontaveit, Liudmila Samsonova leh Irina-Camelia Begu an tla fel.
Estonia player Kontaveit hi 3-6 6-3 6-4-in Magda Linette chuan hnehin, Poland star Linette hian Ekaterina Alexandrova lakah fiah-na a hmachhawn leh dawn a ni.
Tarlan tawh angin, ninth seed Kudermetova chu American qualifier Volynets lakah tlawmin, Russian Samsonova chu Crotian Donna Vekic chuan 6-3 6-0-in a hneh a, Vekic hian third round lamah Spain player Nuria Parrizas-Diaz a tum leh ang.
Alize Cornet nen inkawpa women’s doubles first round paltlang zo lo Australian Sam Stosur chuan professional huanga a hun tawp a hmang mek a; kum 38 mi hian Matt Ebden nen \angdunin mixed doubles khelh hmabak a la nei.