Barcelona leh Germany goalkeeper Marc-Andre ter Stegen chuan a hnungzang, a kawng hnaih lam na thin chu an zai nge nge dawn tih Instagram kaltlangin a sawi.
Ter Stegen hian season kal lai inelna hrang hranga game 17 goal a ven tawhah goal 15 chhuah tlingin, hnungzang nain a tibuai zui ta tlat a, thla hmasa, November ni 12 atang khan khelmuala lutin kutkawr a bun leh ta lo a; hetih chhun hian Barcelona tan game thum a khelh loh bakah Germany game hnihah a inlan thei lo bawk.
Kum 31-a upa German hian khelmuala a kirleh hun tur a la sawi mai thei lo. Barcelona pawhin tunkar chhung ngeia an goal-vengin zaina dawhkan leh chemte a hmachhawn tur thu hi tarchhuak ve tawhin, anni lam pawh hian engtia rei nge an first choice keeper hi a bawksawp dawn an sawilang rih lo.
Ter Stegen chuan Instagram lamah a club vawn lai Barcelona leh national team Germany tana a inlan leh hun turah thutlukna dik leh him ber a siam a tul thu a sawi.
Season kal laia Catalan tana game 17 a khelh tawhah Ter Stegen hian match riat goal chhuah loh a nei a; tun season-a Germany game khelh tawh zawng zawng paliah first eleven a chang vek bawk.
Ter Stegen an zai dawn
Get real time updates directly on you device, subscribe now.
Prev Post
Next Post