Tesla ten Musk sum pek remti

Tesla shareholders te chuan record-breaking pay package chu boss Elon Musk hnenah pek remtiin chu mai bakah an legal headquarter chu Texas a sawn remti bawk.
He package hi kumin kumtir lam khan Delaware judge chuan shareholder te tan a fair lo tiin a lo dang tawh a ni.
Elon Musk tan chuan hnehna niin a hnena sum pek a nih theih nan hian a bei nasa bawk a, a sum dawn tur hi $ 56 billion vel lai ni tura ngaih a ni.
Mahse chuti mai chuan thil a kal awlsam lo thei thung a, legal expert te chuan a hmaa lo dang tawh tu court chuan vote lak that leh chu a pawm lo thei tho an ti thung.
“Shareholder vote lak nawn hian engmah danglamna a siam lo” tiin mathiew Shapiro, Obermayer Rebmann Maxwell&Hippel law firm managing partner chuan a sawi a.
“Vote lak nawn chuan hma lam pan zelna turah tesla tena hun remchang tha an neih theihna tur a siam mai chauh a ni” tiin a sawi.
Musk hnena sum pek tur tam lutuk chuan Tesla board member te chu Musk laka intulut lutuk tia sawisel an nih phah bawk.
Delaware a judge in Musk hnena sum pek tur a dan hnuah Musk chuan an legal headquarter chu Texas a sawn tur a lo ti sa tawh a ni.
Tesla share price tlakhniam zel lai leh electric car industry dang te lian ve zel kara Musk thutlukna siam chuan a leadership-ah zawhna a siam bawk.
Musk chuan a fan base te hmang remchangin a bik takin individual investor te shareholder base lian tak awh tute chu a inthlawptir tlat thung.
“Ringing endorsement ang a ni” tiin car industry analyst Karl Brauer chuana sawi a. Musk hian a package a dawn theih nan shareholder support a mamawh aia tam a nei a ti. Tesla te chuan vote margin pholan an nei lo bawk a.
Tesla chhunga Musk tana compensation plan avang hian Musk chuan Tesla-ah share 300 million vel lai neiin chu chu firm pumpui share atanga 10% vel lai a ni bawk.