Thai festival-ah bomb puak, pathum thi

Thai festival-ah bomb puak, pathum thi
Thailand-a festival lian tak hman thinah bomb puakin, report buatsaih lai thleng hian mi pathumin nunna chan tawhin, mi tam takin hliam an tuar.
He thil thlen hun hi zirtawpni zan lai vel kha niin, Red Cross Doi Loyfa fair-a thil thleng a ni a, kumtina Tak province hmar lam Umphang district-a an neih thin a ni.
Thailand police te chuan hnuchhui hna thawk nghalin, pawikhawihtute zawn hna hi an thawk nghal a, rinhlelh mi pahnih man tawhin, thubuai siamsak erawh an la ni rih lo a, thu an zawhfiah mek thu an sawi.
He pawikhawihna thlengah hian hriat theih chinah mi 48 chuan hliam an tuar a, an zinga paruk phei chu an na zual hle nia sawi a ni bawk.
Bangkok Post in a tarlan danin kumin hian he festival hi kar khat chhung awh tura tih niin, mi 8000 atanga 9000 vel an pungkhawm a, he thil thlen hun hi festival tawp zana thleng a ni.