Thailand health system zirchiang

Thailand health system zirchiang
Thailand sawrkarin health system a kalpui dan zirchiangin Health minister Lalrinpuii hoin Mizoram Health department official-te an kal. April 28 atanga May 2 thleng an zirchilh ang.
Khawvel ram 50 chuangin an lo zirchian tawh Thailand ‘health system’ hi Mizoram Health department official-te pawhin kum 2019 khan an lo zirchiang hmasa tawh a. Tunah ‘mipui health care’ buaipuitute leh Health department official-ten chik zawkin an zirchiang leh dawn a ni. Heti lama Thailand tawnhriat leh mipui health care kalpui mek khaikhinin, a tul dan azirin an kal dan tha lakchhawn theih beiseia he programme hi buatsaih a ni.
He zinchilh zirchianna hi Mizoram State Health System Strengthening Project hnuaia tih tur hmachhawp pakhat a ni a. Kum 2021 atanga ruahman tawh niin, harsatna hrang hrang vangin tunah a hlawhtling thei ta a, a senso pawh MHSSP hian a tum a ni.
Mizoram atanga kalte hi Thailand – National Health Security Office-in lo mikhualin, ni 5 chhung chu Thailand ram health security leh public health care system an an zirchian dawn bakah public hospital, primary health centre a hmunah ah tlawh dawn a ni.