Thawhhona vawnnun tlat tum

August 22-a AMC Ward-VI by election awm tura campaign kal mekah Thawhlehni zing khan Chanmari West MPCC leh MNF Unit chuan joint meeting an nei a. MPCC vice president C Ngunlianchunga, MLA leh MNF senior vice president Dr R Lalthangliana hoin headquarter hruaitu leh North-III Block hruaitu engemawzatin an hmanpui.
MPCC & MNF Unit thukhawm chuan, campaign neih meka hma lak chhunzawm dan tur an ngaihtuah ho a. Party hruaitute hnen atangin fuihna thu pawimawh ngaihthlak niin, MPCC & MNF candidate intawm Pi Lalrinfeli’n hnehna a chan ngei theih nan party pahnihten inlungrual taka thawhhona thuthlung an siam chu vawngnung tlat chungin a tawp thlenga theihtawp chhuah zai an rel.