The Weeknd-a’n Mariah Carey leh Prince record nihrual
The Weeknd sawi takah chuan 2014 a\ang kan kum tin a hla pakhat tal Billboard Hot 100 chart top 10-ah a la lanpui ziah a, kum 12 chhung, kumtin Hot 100 chart top 10-a lang thei hla nei thei Mariah Carey leh Prince te record a rawn nihrual ve ta a ni.
Mariah Carey hian 1990-2001 chhung khan kumtin Hot 100 chart top 10 a lang thei hla thar a nei ziah a, Prince hian 1983-1994 chhungin a nei ve thung a, tunah chuan The Weeknd nen, an ni pathum bak hetiang tithei zaithiam dang an la awm lo.
The Weeknd hla Hot100 chart top 10-a lang thei tharlam ber chu Playboi Carti nena an thawh dunna ‘Rathar Lie’ niin, he hla hi kar liamta chart ranking-ah No.4 a ni a, The Weeknd hla Hot 100 chart top 10-a lang thei 12-na a ni.
Tunah hian Drake pawhin kum 11 chhung chu kum tin chart top 10-a lang thei hla thar a la nei ziah a, ani pawh hian 2015 a\anga 2025-ah kumtin hla thar chart top 10-a lang thei a la nei ziah a, nakkumah chuan record hi a nihrual thei ngeiin a rinawm. Chutihrualin, The Weeknd pawhin a lar vanglai a la pel tak tak lo a, kumtharah pawh top 10 kai thei hla a nei leh ngeiin a rinawm a, Carey leh Prince lehpelin, amahin record a siam theih a beiseiawm riau.
The Weeknd-a’n Mariah Carey leh Prince record nihrual
Get real time updates directly on you device, subscribe now.