The Weeknd & Ariana Grande ‘Die for You’ a Hot ber

The Weeknd leh Ariana Grande ‘Die for You’ chu Billboard Hot 100-ah No.6 atangin No.1-ah a invawrh a, he hla hi 2016-a Thw Weeknd album ‘Starboy’ a hla niin, Ariana Grande-i’n a remix a zawm ve tak hnuah TikTok lamah a lar thar leh a, chu chuan radio leh streaming service-ah a vawrh kang leh ta a ni. Tun hi The Weeknd leh Ariana Grande ten Hot 100 chart-a No.1 kai thei hla pasarih an neihna ve ve niin, an thawh dunna hla chart No.1 kai thei pahnihna a ni bawk. 2021 khan an zai dunna ‘Save Your Tears’ remix version a lo No.1 tawh bawk a ni. Hetihrual hian Karol G leh Shakira te pawh No.7-ah a n invawrh kai thar ve leh ta bawk.
Billboard Hot 100 (singles) chart hi kar khat chhunga US-a hla lar dan tehna a ni a, chart ranking siam nan all-genre U.S. streaming (official audio leh official video), radio airplay leh sales data te chu tehna pawimawh a ni.
Die for You hian kar khat chhungin radio airplay-ah ngaithlatu maktaduai 81.1 neiin, stream maktaduai 32.4 leh sales 14,000 a tling bawk a, hei hi chart-ah a No.1 pui ta a ni. He hla hi chart-a a lanna hmasa ber atanga kar 31-naah No.1 a kai chiah a, chart-a lan atanga No.1 kai tura hun duh rei lamah palina a ni.
He hla hi The Weeknd hian solo-in 2016 khan a album ‘Starboy’-ah a lo telh daih tawh a, mahse, tun hnaiah TikTok lamah a lar thar a, chu chuan radio airplay leh streaming-ah a vawrh a, February ni 24 khan a hla hi Grande nena remix an tichhuak bawk a, chu chuan a tilar thar leh ta a ni.
Heti hian The Weeknd lah Grande te hian Hot 100-a No.1 kai thei hla pasarih ve ve an nei tling ta a, Grande tan Hot 100 chart top 10-a lang thei hla 20 a neihna a nih laiin, The Weeknd tan chart top 10-a lang thei hla 16 a neihn a a ni ve bawk.
Miley Cyrus hla hit, chart No.1-a kar ruk awm thei ‘Flowers’ chu No.2-ah a tawlh a, he chart-a kar sarih No.2 tawh SZA ‘Kill Bill’ pawh No.3-ah a tawlh ve ta bawk.
PinkPantheress leh Ice Spice ‘Boy’s a Liar, Pt. 2’ chu No.3 atangin No.4-ah a tawlh a, Morgan Wallen ‘Last Night’ chu No.5-ah bawk la awmin, Metro Boomin, The Weeknd leh 21 Savage “Creepin'” chu No.4 atangin No.6-ah a tawlh ta bawk.
Karol G leh Shakira ‘TQG’ chu stream maktaduai 29, leh sales 7000 bakah radio airplay maktaduai 4.6 tlingin, chart No.7-ah a debut a, he hla hi Karol G No.1 album ‘Manana Sera Bonito’ a hla niin, Karol G tan Hot 100 chart top 10-a lang thei hla pakhat a neihna niin, Shakira tan a parukna a ni ve thung.
Chart No.1 hlui Sam Smith leh Kim Petras ‘Unholy’ chu No.7 atangin No.8-ah a tawlh a, chart No.1 hlui bawk Taylor Swift ‘Anti-Hero’ chu No.8 atangin No.9-ah a tawlh a, Beyonce ‘Cuff It’ chu No.9 atangin No.10-ah a tawlh ve ta bawk.