Thiam taka inthen theih a ni em?

I ngaihzawng nena in inkar chu vawn nun reng chi ni a i hriat loh chuan then mai a that zawk chang a awm ang, mahse, gentleman takin then ang che.
Ngaihzawng/ kawppui te nena inthen hi thil awlsam tak a ni ngai lo, a then duh zawk pawh ni la a awlsam chuang lo. Mahse, a harsat vanga inthen loh ringawt chuan thil tha a chuang lo thei a, gentleman taka inthen thiam a tul hle a ni. I ngaihzawng chu i tana khuanu ruat a nih loh pawhin chhe taka then kher a tul lo a nia!
Inthen chuan min tina tawn ve ve a, mahse, kan inthen dan a dik loh chuan kan na tawrh a belhchhah thei a, kan tih thiam kan na tawrh te a tiziaawm thei niin relationship lama mithiam ten an sawi a, a tih tur tha ni a an sawi te kan rawn tarlang e.
1. Inthen i duh tak tak a nih chuan tihfel thuai rawh. |hen tum reng chunga kawp reng hian inthenna boruak tha lo a hring zawk mai mai a ni. Mahse, a engamah hmaa inthen nghal bawrh bawrh tih lam a kawk lo, i inngaihtuah fê hnuah i rilru i siam fel a, then ngei i duh a nih chuan khek khal reng suh. I ngaihzawng chuan inpahniha hmalam hun tur thui tak a lo thlir lawk a, nangma tan midang a hnar tih hria la, chuvangin then i tum a nih chuan tihfel thuai kha a tan a tha zawk a ni.
2. |henna biahthu inhlan nan a hun leh hmun thlan thiam a tha hle ang. Nangma remchanna ringawt ngaihtuah lo la, a hun leh hmun thlang thiam ang che. A hlim lai taka thenna biahthu hlan te a fuh lovang, chubakah mi tamna hmuna thenna thu hlan te pawh a fuh lovang.
3. Inthen i duhna chhan tha takin hrilh ang che. Mi pahnihte inlungruala inthenna hi chu a thleng zen zen lo, chuvangin inthen kan duh chhan te tha taka hrilh ngei tur a ni. |henna thu chu hmaichhanah, tawngka ngeia inhrilh a tha ber a, SMS leh phone call emaw e-mail tih vel hmanga then mai mai loh tur a ni. Kha leh chen kan lo inkawp ve tawh a, chuvangin inthen kan duh chhan hriat ve ngei kha a phu a ni.
4. Inthen hnuah chuan tibuai lo zawngin awm tum ang che. Entirnan, inthen hnuah chuan a hmu hreh viau che a ni thei a, pumpelh tum zawkah tang ang che. A rilru tih nat belhchhah thei zawnga tihel te chin loh tawp tur a ni.
5. Inthen hnuah chuan kalsan tawh rawh. I ‘ex’ a ni a, chutiang tak chuan awm rawh.