Thihchilh pawlte beihna vangin China mi pahnihin nunna chan

Pakistan a Karachi aiprort bulah thihchilh pawlte chuan bomb tipuakin, chinese pahnihin nunna an chan a, mi sawm chuangin hliam an tuar bawk.
Pakistan a China embassy sawi danin, he thil hi pathianni zana thleng kha a ni a, helho thiltih ngei a ni, a ti. Tin, he thiltute hian ruahmanna fel tak neia anmahni beih tum lui ngar ngar an ni bawk, a ti a. Embassy chuan Sindh province a hnathawk tur chinese engineer te niin, an motor a inzui chu an bei zui ta mai a ni, a ti bawk.
Nimina pakistan in a sawi dan chuan heng mite hi Karachi airport thleng hlim, an hnathawhna hmun tur pan nghalte an ni a, an lirthei chu thihchilh pawlte hian umzuiin, he thil hi an ti zui ta mai niin an sawi.
Pakistan prime minister Shehbaz Shariff chuan Chinese mipuite chu an ramah an him tih hria a, tuna thil thleng vanga hnual phah lo turin a ti a, misualte umzui a, a hnarkaitu leh bultumtute chungah beihpui thlak an tum thu a sawi.
PM chuan Chinese te nen chuan inpawh leh inthiantha tak an nih thu sawiin, Pakistan chuan an himna tura theihtawp a chhuahzui tur thu a sawi bawk.