Thingpui hi kan in nasa a, a thatna chi hrang hrang te pawh kan tarlang fo tawh, mithiam ten zirchianna an neih atanga an hmuhchhuah thar chu thingpui in hian thluak a tichak thei an ti tlat mai.
National University of Singapore-a professor Feng Lei chuan thingpui in ve ngai lo te aiin thingpui in thin te chu an thluakin thil a hriat leh zirthiam theihna (cognitive function) a tha zawk niin a sawi a, “Kan result neih hian regular taka thingpui in hian kum upat avanga thluak hnathawh lo tlahniam tur nasa takin a veng thei tih a entir a ni,” a ti.
Thingpui in hian thatna chi hrang hrang a nei a, mahse, thingpui in an tih hian chini leh bawnghnute pawlh loh, a sen hâng a in a ni tih kan hriat tel a tha ang. Thingpui hian rilru nguai te pawh a chawk tho thei a, lung (heart) lam hriselna atan pawh a tha niin an sawi bawk, hei hi 2015-2018 a puitling 36, kum 60 chunglam zinga zirchianna an neih atanga an hmuhchhuah a ni a, participant-te chu an rilru leh taksa hrisel dan leh nunphung tilang thei tur data an lakhawm a, tichuan neyropsychological test leh magnetic resonance imaging (MRI) an ti leh bawk.
Heng scan atanga result an neih atangin an cognitive performance an chingchip leh a, chuta an hmuhchhuah tak chu participant zingah green tea emaw, black tea emaw, kum 25 chhung kar khat a vawi li tal in thin te chuam thingpui in ve ngai lo te aiin an cognitive function a tha zawk tih an hmuchhuak.
Thingpui in-in thluak a tichak thei
Get real time updates directly on you device, subscribe now.
Prev Post
Next Post