Florida, USA-a cheng Wesley Williams, kum 25, chuan thirsakawr ke khat nei (unicycle) khalh sang thei ber record a siam a, feet 31 a sangah chuangin a khalh. Williams hi thirsakawr ke khat nei khalh hneh sawh ve tak niin, a hming lemah pawh ‘The One Wheel Wonder’ tih an lo phuah sak ve hial tawh kha a ni.
-- Advertisement --
A thirsakawr ke khat nei khalh hi hi meter 9.71 (feet 31 leh inches 10) a sang niin, a hmaa hetiang record an lo siam tawh chu meter khat velin a rawn khum ta a ni. Williams hian he thirsakawr hi a khalh a ni mai lova, ama siam a ni nghe nghe.
Williams hi Spain’s Got Talent 2021-ah telin, semi-final a thleng a, semi-final intihsiaka a perform laiin a chesual palh hlauh mai a, a thirsakawr ke khat nei hmanga a thiam thil a entir laiin a thirsakawr chu chhiain, feet 27 a sang atangin chuatah a tlan a, he chetsualna avang hian ram-tui-lei-loin a awm phah thelh a, tum nga inzaipui tawkin, an zaina pawh hmun 83-ah thui a ngai hial a ni.
Amaherawhchu, hetiang chetsualna rapthlak tak hi tawk mah se a thirsakawr ke khat nei khalh chu a bansan phah chuang lo, a hma aia ropui zawkin a rawn kir leh ta a ni. Tun tum chu world record hial a siam ta a ni. Record siam tur hian Guinness lam chuan thirsakawr hi feet 27 leh inches 10 a thui tal a tlanpui ngei a ngai tiin dan an siam a ni.
Mizoram atang hetiang ti thei hi an awm ve ka ring tlat