Thla la thiam thlang

Mizo Photograpers’ Society chuan Inrinni khan World Photography Day vawi 184-na an hmang a. He ni denchhena thla la mawi leh thiam intihsiak an buatsaih result puangin lawmman an sem nghal. He hun hi I&PR director C Lalnunkima chuan a hmanpui.
Thlalak intisiak hi category pathum – portrait (headshot), long exposure, abstract huangah te inel a ni a. Pakhatna atanga pathumna thleng siam a ni a, category tinah consolation prize dawngtu mi panga zel an awm bawk. Long exposure-ah Vanlalhruaizela, Serchhip pakhatna niin, a thlalak theme chu “The Substance of Photography is Light” tih a ni. Portrait-ah David Vanlalhuma, Hlimen chu pakhatna a ni a, a theme chu “Desolate” tih a ni. Abstract-ah pakhatna Zarzoliana, Dinthar Aizawl a ni a, a theme chu “Tranquil” tih a ni.
Mizo Photographers’ Society facebook group-a thlalak post taima leh post tha ber a nih avangin Thanghmingliana, Chanmari Aizawl chu ‘special award’ hlan a ni a, award hian sumfai leh memento a kengtel a ni.