Thla tharah Inter Village Volleyball

Mizoram Volleyball Association (MVA) chuan thla tharah Inter Village Volleyball Tournament a buatsaih dawn a, tunlai boruak avangin team tam zawk an tel theih ngei an beisei.
R. Dengthuama In-door Stadium, Mualpuiah September ni 19-29 chhungin khelh a ni dawn a; MVA General Sec-retary C. Lalrokhuma chuan a boruak atangin tel an tam dawn tih sawiin, “Veng leh khaw hrang hrang inelna tur a nih angin All Mizoram Village Council Asso-ciation leh Aizawl City Local Council Asso-ciation remtihpuina leh hriatpuina thlapa buat-saih tur a ni a, kum dang zawng aiin team tel an thahnem ngei ang tih a beiseiawm a, Local Council leh Village Council tin tel turin kan sawm nghal a ni,” a ti.
MVA-in kum hnihna zelah Inter Village Tournament a buatsaih thin a, Covid-19 leng avangin kum 2021-ah a huaihawt thei lo. A hnuhnung ber kum 2019 khan mipa team 52 telin, Maubawkin final-ah 3-1-in Hunthar an hneh a; hmeichhe team 18 tel zingah Kolasib Diak-kawn an champion a, final-ah 3-0-in Thenzawl East an hneh.
Puitea chuan sawi-zawmin, “Tun kum hnih thum chhungin Mizo-ramah volleyball bo-ruak a lian tharin khel an tam zual hle a, nikum leh kumin bo-ruak atangin team tel an tam viau dawn tih a hriat theih,” a ti.
Veng leh khaw hrang hrang inelna Central YMA volleyball tournament hnuhnung ber nikumah mipa team 104 leh hmeichhia team 39 an chhuak a, mipa lamah Hunthar Vo-lleyball Club chu champion niin, Bung-kawn hmeichhe team an champion bawk.
MVA chuan kum tina veng leh khaw inelna a awm theihna’n Central YMA volleyball tour-nament khelh loh kumah inter village tournament an huaihawt thin a, Mizoram inelna sang ber Pro Volleyball-a an thawhpui LPS Vision chuan live-in inkhel a pechhuak ang.