Thlai dahthatna siamna tur en

Public Works Department minister Vanlalhlana leh Power & Electricity minister F Rodingliana te chuan sawrkar thar flagship programme hnuaia thlai thar dahthatna atan Zuangtuia PWD, Commerce & Industries leh P&E department hmunhma an enfiah.
Minister-te hian sawrkarin Handholding Policy hnuaia thlai chi hrang hrang pali a dah – sawhthing, aieng, hmunphiah leh hmarchate chu rei zawk dahthatna atan an department hnuaia hmunhma hrang hrang enfiahin, rei zawk dahthat dan tur, dry storage leh process a nih theih dan tur an sawi ho.
Thlai dahthatna atan hian hmunhma hrang hrang – PWD Mechanical Sub Division-II Workshop, Bamboo Processing Factory Industrial Estate, Common Facility Centre leh P&E department hmunhma chu tangkai taka hman a nih theihna’n an thlithlai a ni.
Minister pahnih hi adviser to CM (Implementation of Handholding Policy) Dr KC Lalmalsawmzauva, Commerce & Industries secretary Sangchhin Chinzah leh director Florence Zotluangpuii, PWD leh P&E official ten an tawiawm a ni.