Thlai zawrhna tih en dan ngaihtuah

Thlai zawrhna tih en dan ngaihtuah
Thingtlanga kuthnathawktuten an thlai tharte chhunzan zawma an zawrh theihnan bazar shed/ road side market-a power supply changtlung tak pek dan tur relin Nilaini khan Rural Development & Administration minister Prof. Lalnilawma leh SELCO Foundation hotute an inkawm.
Minister chuan kuthnathawktuten an thlaitharte chhun lam chauh ni lo, zan lam thlenga awlsam taka an zawrh theihnan ruahmanna siamsak a pawimawh, tiin, SELCO Foundation-in nizung tha chakna hmanga power supply an pek theih chuan hei hi tih hlawhtlin theih a ni dawn tih a sawi.
Bultanna leh enchhinna atan RD department chu thingtlang lama thlai thar zawrhna bazar shed/ road side market thlang chhuak tura ruat an ni a, SELCO Foundation-in hma a la zui dawn a ni.
SELCO Foundation hi non-profit NGO niin, nizung chakna hmanga boruak thianghlim leh hmasawnna tluantling thlen turin tribal area, thingtlang leh hmun kilkhawr zawkah power supply pek dan ngaihtuahin hma an la thin a. Eizawnna mil zela hman theihin khawl, design leh technlogy hmangin an siamrem thei a ni.