Thlam kangah kanghlum
Kolasib district North Chawnpui bula leilet thlam kangah a neitu fapa a kanghlum.
Thudawn danin, April 1 zing dar 4.00 vel khan North Chawnpui khaw bula leilet nei, Rohmingliana, Aizawl Ramhlun South thlam, Assam type chhawng khat chu a kang a, in kang hi a bula rubber huan enkawltuten an hmuh atanga hriat niin, a ni hian North Chawnpui khawtlang hruaitute a hriattir a, khawtlangin chinchang an rawn ngaihven zui ta a ni.
Thlam kangah hian a neitu Rohmingliana leh a nupui Vanlalhruaii te chuan an ban leh ke ah hliam an tuar a, an fapa Lalremruata (32) chu a nunna chhan hman lohin a kanghlum a ni.
A kan chhan hi hriatchian a ni loa, electric current kalsual a nih rin a ni.
April 1 zing dar 3.00 vel khan Kolasib district vek Buhchangphaiah chenna in pakhat a kang a, thi leh hliam an awm lo. In neitute hi thli thawk an hlauh avangin an riakchhuak a, zing lamah an in hi a kang tih hriat a ni. Thuka mei an ti mit tha lo a nih rin a nih thu thudawnna chuan a sawi.
Thlam kangah kanghlum
Get real time updates directly on you device, subscribe now.
Next Post