Thlasik laiin engtin nge kan inenkawl ang?

Thlasik laiin engtin nge kan inenkawl ang?
October kan kai a, tlailam boruak te phei chu a dai leh tan ta viau mai a, thlasik rim a nam leh tan ta a, hritlang, khawsik, vun khawro leh thak te a tam leh dawn. Hei hi sik leh sa inthlak thleng thut vang a ni thin. Tun tumah hian Times of India health section-in thlasik laia inenkawl dan tur tha ni a an sawi te kan rawn tarlang e.
1. Khaw vawh avangin tui kan intlem deuh thin a, chuvang chuan kan taksaah hnawnna a tlem thin. Khua vawt mah se tui in tam tur a ni a, tuisik bakah tui lum te pawh regular taka in tur a ni. Khua a lo vawt a, tui in a hal khat deuh a nih pawhin kan taksain tui a mamawhna a tlanhniam chuang lo a, chuvangin tui leh thil tuiril lam in tam tho tur a ni.
2. Ei leh in fimkhur a ngai a, thlai hnah leh theirah lam ei tam tur a ni. Thlasik lai hian hmui hmer ei tam a awl duh khawp mai a, Krismas leh Kumthar vuakvetah phei chuan sa leh mawm kan lo tam deuh a, a hnuah kan inchhir leh thin tih te kha hriatreng tur a ni.
3. Moisturiser regular taka hman tur a ni. Pawna chhuah hmain cream inhnawih thin la, zan mut dawnah inhnawih leh thin ang che.
4. Sam hi enkawl uluk a ngai hle a, i lu a suk apiangin conditioner hmang thin rawh. Chutihrualin, lu i suk zawhah i ram tiro vat zel ang che, chuti lo chu hritlang man palh a awlsam. Chuan, tlailamah lu su suh.
5. Zan mutnaah mawza bun thin la, hei hian i ke ro tur a veng thei.
6. Lip balm pawh mamawh huna hman mai theih tur kawl reng la i inchhir lo ang.
7. Thlasik lai hian thli khu leng vel boruakah a tam duh a, chuvangin i chhuahvahnaah i hnar khuhna tur mask hmang thin la i inchhir lo ang.