Thlasik thutkhawm neih hmain inkokhawm

Parliament Thalsik |hutkhawm neih hmain sorkar chuan Lok Sabha leh Rajya Sabha a floor leader meeting chu December 2 ah a ko a.
Parliament Winter Session hi December 4 a neih tan tur niin thutkhawm tum 15 a awm ang a, December 22 thleng a awh ang. Session lai hian dan pawimawh tak tak te ngaihtuah a ni dawn a, chung zingah chuan colonial era criminal law pathum te thlakna tur Bill pawh a tel.
Parliamentary Affairs Minister Pralhad Joshi chuan December 2 ah meeting kovin hetah hian senior leader Defence Minister Rajnath Singh leh Commerce Minister Piyush Goyal te pawh an tel dawn a ni.
Parliament ah bill 37 a pending mek a, heng zinga 12-te hi ngaihtuah leh pawm theih tura chhawmchhuah niin bill pasarih chu chhawpchhuah, ngaihtuah leh pawm theih tura dah a ni bawk.
Sorkar chuan kum 2023-24 atana Supplementary Demands for Grants first batch pharh a tum bawk a.
Ethics Committee tena Trinamool Congress MP Mahua Moitra laka puhna “cash-for–query” an chhuichianna report chu session lai hian pharh a ni bawk ang.
Heng bakah hian bill pawimawh pathum Indian Penal Code, Code of Criminal Procedure leh the Evidence Act te thlaktu tur chu session laiin ngaihtuah tura chhawpchhuah a ni ang a, standing committee on Home chuan report pathum te chu tun hnaiah a lo pawmsa tawh a ni.
Parliament a bill pawimawh deuh pending a la awm mek bawk chu chief election commissioner leh election commissioners te appointment chungchang a ni bawk a.
Monsoon session a pharh tawh kha niin Parliament special session ah sorkar chuan pahrh tumin a nawr lo hrim hrim a, a chhan ber pawh opposition te leh chief election commissioner hlui ten CEC leh EC status chu cabinet secretary level a hlankai tumna tia an dodal vang a ni. Tun dinhmunah Supreme Court judge nen status an neih a inang a ni.