Foorballer inzawm khawm pawl Fédération Internationale des Associations de Footballeurs Professionnels (Fifpro) chuan thlasik laia World Cup khelh chu chin zui zel tlakah an ngai lova, Fifa pawhin thlasik lai chu World Cup khelh hun atana duh thlan tur zingah chhawp tel tawh miah lo se an duh thu a sawi.
Tuilet hnu lama a vawi khat nan khawvela en nawm ropui ber FIFA World Cup chu kum 2022 khan thlasik laiin khelh a ni a. Thlasik laia World Cup khelh hmasak ber Qatar World Cup 2022 in nghawngte Fifpro hian an tlangzarh a. Thlasik laia World Cup khelh hian Player-ah nghawng tha lo tak a neih vangin chin zui tlakah an ngai lo. Nipui laia World Cup khelh a nih hian World Cup zawhah player ten ni 37 chhung chawlh an nei thei thin a. Thlasika World Cup khelh a nih vang khan ni 8 deuh chauh player in chawlh an nei thei ta thung. An rim tawng lutuk hian an hma lam hun atan nghawng pawi tak a neih theih vangin Fifpro hian thlasik laia World Cup khelh zui leh chiah an ngai tawh lo.
Asia khawmuala a mi Qatar in hlawhtling taka World Cup a thlen hnuin ram hausa Saudi Arabia chuan World Cup 2030 thlen tumin hma a la ve leh mek. Saudi Arabia hian World Cup a thleng a nih chuan Qatar ang tho va ram lum, sik leh sa inang tak a nih vangin nipui laiin World Cup khelh theih ziazang a ni leh dawn lova, thlasikah bawk World Cup khelh a ngaih leh hmel. Fifa president Gianni Infantino chuan thlasikah hlawhtling taka World Cup khelh a nih chuan lawmawm a tih thu a sawi a. He thu a sawi vang hian World Cup 2030 thlen tum Saudi Arabia hian thlan a nih nawlh Fifpro hian an hlau ru viau a. Thlasik laia WC khelh ngaihna tur ram chu hnawl turin Fifpo hian an duh hle.
Thlasika World Cup khelh nawn duh lo Fifpro
Get real time updates directly on you device, subscribe now.
Prev Post
Next Post