Thlavenga dah EVM thliar

Lok Sabha inthlanpuia hman tur a thlan chhuah tawh zinga la tel ve lo, thla veng (supplementary) a dah electronic voting machine (EVM) te chu tul thut a awm palh taka hman theih turin Thawhtanni khan thliar (randomise) leh buatsaih (commission) fel an ni.
Aizawlah chuan district election officer Nazuk Kumar leh general observer Dr Nipun Vinayak hoin EVM leh VVPAT reserve a dah tur supplementary randomization hi neih a ni a. District dang election office-te inbiak hmuh theihna hmangin an tel bawk.
General observer chuan inpuahchahna a tha thawkhat viau nia a hmuh thu sawiin, tha thlah loa official duty-te chu fimkhur taka an mawhphurhna hlen turin a chah. Political party aiawhte hnenah an tawiawmnaah lawmthu sawiin, inthlan felfai leh muanawm a awm theih nan thawhpui zel atan a sawm a ni.
Aizawl district bakah district dang dangah randomisation leh commissioning hi neih a ni.