April 23 tlaia ruah, thli leh rial thawkah chenna in tihchhiat a nei nual a. Mamit district-a Lallen khua chu a tuar nasa ber pawl nia hriat a ni.
Hriat theih chinah Mamit district-ah hian rialin in 165 a chhia a; Lallenah in chhia 98 awmin, luah tlak loha chhia hi 40 vel a ni. Chhippui khuaah in 30 chhia in in 5 chu luah tlak loh a ni a; Kawnmawiah in 37 chhia in in 6 chu luah zui tlaklohin a awm. Chhippui leh Kawnmawi hi khaw inzawm ni mah se, VC, YMA leh MHIP hrang neia awm an ni.
Kolasibah thli tlehin in engemawzat a tichhia a. Saidan, Vengthar, College Veng leh Rengtekawnah mimal in chhia a vaiin paruk leh quarters chhia pahnih a awm a ni.
Thli leh rialin a tihchhiatte hi Pathianni khan khawtlangin an thawmtha nghal a ni.
Hetihlai hian kar kalta Zirtawpni tlai atang khan Mamit chuan power supply a awm loa, Pathianni chawhnu thleng pawh khan a la awm lo nia thu dawn a ni.
Thli leh rialin district 2 nuai
Get real time updates directly on you device, subscribe now.
Prev Post
Next Post