Thli leh ruah thawk vangin power pekna a chhe nasa
May 27 atanga thli tleh leh ruah sur nasa chuan Mizoram district hrang hranga kawlphetha pekna lam a tichhe nasa hle a, Power & Electricity department chuan siamthat hna ngawrh takin a thawk mek.
Thawhlehni chawhnu khan Power minister F Rodingliana chuan Mizoram hmun hrang hranga kawlphetha pekna, Cyclone Remal-in a tihchhiatte chak taka siamthat hna thawh zel theih nan department hotute thutkhawm hmanhmawh a neihpui a. Aizawl khawchhunga khawl leh line chhe tam tak chu Thawhlehni zing atang khan ruahsur leh leimin karah siamthat hna thawh nghal niin, hmun thenkhat erawh leimin leh ruahsur nasa avanga siam mai harsa a awm a, department staff-ten theihtawpin hna an thawk mek tih sawi a ni.
Minister chuan hmanrua indaihlote hmun hrang hrang atanga lakkhawm dan ngaihtuah a, a tul anga RDSS scheme atang pawha hmanrua pawt rih a, a rang lama siamthat hna thawh chhunzawm nan sum awm ang ang zawn nghal nise, a ti a. LT leh HT line chhia hmun tam takah a awm avan Cyclone Remal vanga kawlphetha peknaa chhiatna:
8 Aizawlah feeder 33 chawmtu Power Sub-Station hmun 10 a chhiat avangin veng 60 chuang eng nei loin an awm a, transformer dahna minin transformer a minpui tel leh panel board engemawzat chhia report dawn a ni.
8 Mamit district-ah electric ban leh 33kV line leh 11kV line a chhia
8 Kolasib district-ah 132kV, 33kV leh 11kV engemawzat chhia a awm.
8 May 28 chawhnu lam thleng khan Mizoram chhimlama district pathum – Lunglei, Lawngtlai leh Siaha eng pek theih a la ni loa, chhim lam line pek Serchhip district erawh Siatual (via East Lungdar) atangin power pek tawh a ni. Hmun dang pawh hetiang hian a theih dan ang anga hma lak zel a ni.sum awm lo chung pawha tih dan kawng zawn zel a nih tur thu a sawi.
P&E department thawktuten ruahsur karah pawh mahni nunna tana hlauhawm khawpa an thawhnaah minister hian lawmthu a sawi a. Theihtawp chhuaha chawl loa hna an thawh thu hrerengin, mipui pawhin dawhthei taka hrethiam turin a ngen tih a sawi a ni.
P&E hotute thukhawm hian tangkai zawka Customer Care Centre hman dan tur an rel nghal bawk.