Thlipui in US a hual vel leh ta

Thlipui in US a hual vel leh ta
Hurricane Helene in a nuai zawh chiah hnuah US hmun thenkhat chu a aia thawk na zawk Hurricane Milton chuan a nuai chho leh dawn niin a lang a, he thlipui hi a la inmung chho mek zel nia sawi a ni.
Gulf of Mexico atanga rawn inmung chho he Milton thlipui hi a thawk na dawn hle nia sawi niin, a bikin Florida chhehvelah a thawk na zual dawn nia sawi a ni a, Tampa Bay vel phei chu nuai na hle tura ngaih a nih bakah he lai chhehvelah hian mihring nuai 5 chuang fe an cheng anga ngaih niin, helai bawr Mayor Jane Castor phei chuan, “Hmun him lam in pan lo a nih chuan, nunna ngaihna a awm dawn lo,” a ti hial.
He thlipui lo thawk leh tura sawi hi a inmung nasa tawh hle a, a huamchhung ni tura sawi hmun tam takah chuan theih ang anga an in leh a chhehvel siamtha in, chhiatna a thlen palha biak pawh theihna tur thlengin hriattirna chhuah a ni nasa hle tawh a ni.
Milton thlipui hi nilaini zan atang khan category 3 emaw 4 thleng tan tura ngaih niin, ruahtui tam tak a pai tel bakah, a thawh natna hmunah phei chuan thli chak zawng hi 200 kai chho thei tura ngaih a ni a, inralrinna dar an vaw nasa hle.