Tunhnaia kawngko laihin a nghawng thirhrui tlafual ngaihsak zui loh avangin lirthei leh mihring chetsualna a thleng tih Mission Veng YMA chuan sawiin, chesual an awm zui loh nan fimkhur turin thuneitute leh lei laitute an ngen tih an sawi.
YMA Mission Veng Branch thuchhuak chuan, tunhnaia MG Road Upper Khatla, Sikulpuikawn piah kawngko chhak lama lei laih nghawng avanga thirhrui uai leh thlun mumal lohin lirthei kalte harsatna a thlen zeuh zeuh tih an hriat thu leh, chutiang harsatna tawk zingah chuan an YMA branch hruaitu ngei pawh telin, a ruh tliah hospital-a zai ngai hial a nih thu a sawi.
‘Thuneitute lam inthlahdah leh thil enfelna tha awm loh avanga hetiang chetsualna a thleng hi pawi kan ti takzet a; hun lokal zel turah mitin tan fimkhur phahna tur nise kan ti hle,’ a ti.
Hetiang chetsualna hi a thlen tawh lohna turin hun lo awm leh zel turah kawngkama in sa leh lei laitute reng reng a ranglamin thuneituten enfel pui thin se an duh hle tih a sawi bawk.
Thuneitute inthlahdah lo turin ngen
Get real time updates directly on you device, subscribe now.
Prev Post
Next Post